एजेन्सी । अमेरिकाको टेक्सासमा स्थित एक घरमा पाँच जनाको गोली हानी हत्या भएको छ। हत्या गरिएका सबै होन्डुरसका नागरिक भएको बिबिसीले लेखेको छ ।
बन्दुकधारीले स्वचालित बन्दुकले गोली हानेको प्रहरीको प्रारम्भिक प्रतिक्रिया छ। घरमा ८ वर्षीय बालकलाई परिवारका सदस्यले सुताउने प्रयास गरिरहेका बेल राति ११:३० बजेतिर अचानक गोली चलेको थियो ।
गोली लागेपछि २ जनाको घटनास्थलमै र बाँकी ३ जनाको उपचारका क्रममा मृत्यु भएको हो।
हत्याको कारण नखुलेको र संदीग्धका रूपमा ३८ वर्षीय फ्रान्सिको ओरोपेजा खोजी भइरहेको छ। बन्दुकधारीको पहिचान भइसकेको र खोजी कार्य भइरहेको त्यहाँको स्थानीय प्रहरीलाई उद्धृत गर्दै अन्तर्राष्ट्रिय मिडियाले लेखेका छन् ।
