काठमाडौं । कम्बोडियामा आइतबार बिहानदेखि राष्ट्रिय निर्वाचन भइरहेको छ। बिहान ७ बजेदेखि सुरु भएको निर्वाचनमा ९ करोड ७० लाखले मतदान गर्दैछन्।
करिब १६ करोड जनसंख्या मध्ये आधा भन्दा धेरै जनसंख्या मतदानमा सहभागी हुँदैछ। जारी मतदानमा प्रधानमन्त्री हुन सेनको सत्तारुढ कम्बोडियन पिपुल्स पार्टी ९सीपीपी० ले सहज जित निकाल्ने प्रक्षेपण गरिएको छ।
कम्बोडियामा हुन सेनले ३५ वर्षदेखि अर्थात सन् १९८५ यता शासन चलाइरहेका छन्।लामो समयसँग सत्तामा रहेको सीपीसँग १७ साना दल चुनावी दौडमा छन्। तर साढे तीन दशकयता सत्तामा रहेको सेनको पार्टीलाई चुनौती दिनसक्ने जनसमर्थन कसैसँग नरहेको भोट पोलले देखाएको छ। उनको पार्टीले कम्बोडियन राष्ट्रियसभामा १२५ सिट जित्ने प्रक्षेपण गरिएको छ।
हुन सेनको सीपीपीको प्रमुख प्रतिपक्षी मानिएको क्यान्डललाइट पार्टी यसपटक चुनावमा सहभागी नै हुन पाएन। क्यान्डललाइटलाई निर्वाचन आयोगले चुनावमा भाग लिन अयोग्य ठहर गरेसँग सीपीपीको जित सहज भएको हो। यो चुनावको पर्यवेक्षण गर्न नेकपा एमालेका अध्यक्ष केपी शर्मा ओली कम्बोडिया गएका छन् ।
