काठमाडौं । पाकिस्तानको इस्लामावाद उच्च अदालतले पूर्वप्रधानमन्त्री इमरान खानलाई सुनाइएको जेल सजाय कार्यान्वयनमा रोक लगाउँदै तत्काल रिहा गर्न आदेश दिएको छ ।
जेल सजायविरुद्ध खानले गरेको अपीलमा मुख्य न्यायाधीश आमेर फारुक र न्यायाधीश तारिक महमुद जाहनगिरीको संयुक्त इजलासले यो फैसला सुनाएको हो । अदालतले रिहा गर्न आदेश दिएपनि
खान कहिले छुट्छन् भन्ने प्रष्ट नभएको पाकिस्तानी अनलाइन डनले जनाएको छ । तर खानको दल पीटीआईले भने उनलाई आजै रिहा गर्न माग गरेको छ ।५ अगष्टमा खानलाई तीन वर्षको कैद सजाय सुनाइएको थियो ।