काठमाडौं । इजरायली आक्रमण परी गाजामा ८ हजार ५०० प्यालेस्टिनीको मृत्यु भएको अन्तर्राष्ट्रिय सञ्चार माध्यमहरूले बताएका छन ।
अक्टोबर ७ यता गाजामा कम्तीमा ८, ५०० प्यालेस्टिनी र इजरायलमा हमासको आक्रमणमा परी १, ४०० बढीको मृत्यु भएको अलजजीराले जनाएको छ । इजरायल-हमास द्वन्द्वबाट गाजामा बालबालिका चपेटामा परेका छन् । गाजामा राहत वितरणमा समेत अवरोध भएको छ ।
सेभ द चिल्ड्रेनका अनुसार सन् २०१९ यता हरेक एक वर्ष गाजामा द्वन्द्वका कारण मारिएका बालबालिका भन्दा पछिल्लो तीन सातामै धेरै बालबालिकाको ज्यान गैसकेको छ ।
इजरायलले गाजाको अल–कुद्स अस्पताल समेत खाली गर्न भनेको छ । अस्पतालमा हुने बमबारीले विश्व चिन्तित भएको विश्व स्वास्थ्य संगठन (डब्लुएचओ)ले बताएको छ ।