काठमाडौं । हमासको कमान्ड सेन्टर भन्दै इजरायली सेना गाजाको सबैभन्दा ठूलो अस्पतालमा प्रवेश गरेको छ ।
हजारौं बिरामी र आश्रय लिएका नागरिक रहेको अस्पतालमुनि हमासको कमान्ड सेन्टर रहेको दाबी गर्दै इजरायली सेना त्यहाँ प्रवेश गरेको अन्तर्राष्टिय संचार माध्यमले जनाएका छन् ।
इजरायल डिफेन्स फोर्स आईडीएफले आफ्नो सेनाले अस्पतालको निर्दिष्ट क्षेत्रमा हमास विरुद्ध सटिक र लक्षित कारबाही गरिरहेको बताएको छ ।
प्रत्यक्षदर्शीहरुले गाजा शहरको अल–शिफा अस्पतालमा इजरायली हतियारधारी सेना ट्यांकसहित प्रवेश गरेको बताएको बीबीसीले जनाएको छ । प्रत्यक्षदर्शीहरूले अस्पताल परिसरको अवस्था भयावह भनेका छन् ।
