काठमाडौं । गाजापट्टीमा इजरायली आक्रमणबाट मारिने प्यालेस्टाइनीको संख्या २० हजार पुगेको छ । अक्टोबर ७ यता ५२ हजार ५ सय ८६ अन्य घाइते भएका छन् ।
वेस्ट बैंकमा इजरायली आक्रमणबाट प्यालेस्टिनीको मृत्यु हुनेको संख्या ३०१ र घाइतेको संख्या ३ हजार ३६५ पुगेको मन्त्रालयले जनाएको छ । गाजामा गत २४ घण्टामा इजरायलको आक्रमणमा २१४ प्यालेस्टाइनीको मृत्यु भएको अन्तर्राष्ट्रिय संचार माध्यमले जनाएका छन् । अन्य ३ सयजना घाइते भएका छन् ।
अक्टोबर ७ देखि इजरायलले दक्षिणी इजरायलमा हमासको आक्रमणपछि गाजापट्टीमा हमासविरुद्ध युद्ध सुरु गरेको थिया । जसमा इजरायली अधिकारीहरूका अनुसार लगभग १ हजार २०० इजरायलीहरूको ज्यान गएको छ । मृत्यु हुनेमा ८ हजारभन्दा बढी बालबालिका र ६ हजार २०० भन्दा बढी महिला छन् ।
