काठमाडौं। साउदी अरबका विदेशमन्त्री फैसल बिन फरहान अल साउदले इजरायललाई अन्तर्राष्ट्रिय कानुूनको सम्मान गर्न आग्रह गरेका छन् । साउदीको  स्वामित्वमा रहेको अल अरबिया न्युज च्यानलका अनुसार उनले आफ्ना इजिप्टका समकक्षी समेह शौकरीसँग कायरोमा संयुक्त पत्रकार सम्मेलनका क्रममा यस्तो टिप्पणी गरेका हुन् ।

उनले  गाजा पट्टीमा युद्धविराम गर्न पनि आह्वान गरेका छन् । इजरायलले गाजाको मानवीय अवस्थाको बारेमा अन्तर्राष्ट्रिय न्यायालय (आईसीजे) को निर्णयलाई अस्वीकार गरेकोमा बोल्दै साउदले अन्तर्राष्ट्रिय कानून र अन्तर्राष्ट्रिय मानवीय कानूनहरू इजरायलमा जस्तै अरूलाई लागू हुनुपर्नेमा जोड दिए । साउदीले साउदी अरेबिया र अन्य अरब राष्ट्रहरूले प्यालेस्टिनी जनताको सुरक्षाका लागि दबाब जारी राख्ने बताएको छ ।