काठमाडौं । बेलायतका राजा चार्ल्सलाई क्यान्सर पुष्टि भएको छ । क्यान्सर पुष्टि भएसँगै चार्ल्सको उपचार सुरु भएको बकिंघम प्यालेसले जनाएको छ । चार्ल्सको प्रोस्टेट उपचारका क्रममा क्यान्सर पत्ता लागेको हो ।
चाल्र्सलाई कस्तो प्रकारको क्यान्सर भएको हो भन्ने चाहिँ खुलाइएको छैन । अब पचहत्तर वर्षीय राजा सार्वजनिक गतिविधिमा सहभागी हुने छैनन्। उनको उपचारको समयमा रानी कमिला एवं राजकुमार विलियमले राजकीय दायित्वहरू निर्वाह गर्ने छन्।
तर बकिङ्गम दरबारले राजा 'आफ्नो उपचारप्रति पूर्ण रूपमा सकारात्मक रहेको र जतिसक्दो चाँडो सार्वजनिक जिम्मेवारीमा फर्किन इच्छुक रहेको' जनाएको छ।
राजा चार्ल्सलाई क्यान्सर पुष्टि भएसँगै अमेरिकामा रहेका राजकुमार ह्यारीले पितासँग संवाद गरेका छन् ।उनी बेलायत फर्किने भएका छन् ।