काठमाडौं । तेस्रो तथा अन्तिम टी-२० खेलमा नेपाल ‘ए’ ले भ्रमणकारी टोली आयरल्यान्ड ‘ए’ लाई जितका लागि दुई सय १४ रनको लक्ष्य विशाल दिएको छ ।
आरिफ शेखको उत्कृष्ट प्रदर्शनमा नेपाल ए ले बलिया लक्ष्य दिएको हो । टस हारी पहिले ब्याटिङको निम्तो पाएको नेपालले निर्धारित २० ओभरमा सात विकेट गुमाएर दुई सय १३ रन बनायो। नेपालका लागि आरिफ शेखले नटआउट ९३ रनको योगदान गरे । उनले ६ छक्का र ७ चौका हाने ।
यस्तै रासिद खानले १३ बलमा २४ र कमलसिंह ऐरीले ७ बलमा १९ रन जोडे । बसिर अहमदले १९ , पवन सर्राफले १३ र कप्तान विनोद भण्डारी ११ रन बनाउँदै आउट भए ।
