काठमाडौं । प्रमुख सत्तारुढ नेकपा एमालेले राष्ट्रियसभा उपाध्यक्षमा विमला घिमिरेलाई उठाउने निर्णय गरेको छ।
एमालेबाट राष्ट्रियसभा संसदीय दलका नेता देवेन्द्र दाहालले राष्ट्रिय सभाको उपाध्यक्षमा घिमिरेलाई उम्मेदवार बनाउने निर्णय भएको जानकारी दिए ।
दाहालका अनुसार फागुन २१ गते बनेको नयाँ सत्ता गठबन्धनले राष्ट्रिय सभाको उपाध्यक्ष पद एमालेलाई दिने निर्णय गरिसकेकाले उम्मेदवारमा घिमिरेलाई अघि सारिएको हो।
सत्तारुढ चार दल एमाले, माओवादी, राष्ट्रिय स्वतन्त्र पार्टी र जसपाबीच भएको ८ बुँदे सहमतिमा राष्ट्रिय सभा अध्यक्ष माओवादी र उपाध्यक्ष एमालेले लिने उल्लेख थियो । तर एकीकृत समाजवादी पनि गठबन्धनमा सहभागी भएपछि उसले उपाध्यक्षमा दाबी गर्यो र पाँच दलले गरेको सहमतिमा उपाध्यक्ष एमालेले लिने सहमति हटाइएको थियो ।
राष्ट्रियसभा उपाध्यक्षका लागि २८ चैतमा निर्वाचन हुनेछ ।
