काठमाडौं । ललितपुरको हात्तीवनस्थित एक फर्निचर उद्योगमा आगलागी हुँदा एक जनाको मृत्यु भएको छ।
जिल्ला प्रहरी परिसर ललितपुरका प्रवक्ता एसपी नरेश सुवेदीका अनुसार ललितपुर महानगरपालिका-२३, हात्तीवनस्थित सिक्मा मेटल इन्टेक्स प्रालिमा भएको आगलागीमा परी एक पुरुषको मृत्यु भएको हो।शव पुरुषको भएपनि पहिचान हुन सकेको छैन ।
एसपी सुवेदीका अनुसार फर्निचर उद्योगमा आगलागी भएको थाहा पाएपछि स्थानीयले शनिबार बिहान ६ बजे प्रहरीलाई खबर गरेका थिए। त्यसलगत्तै दमकलसहित घटनास्थल पुगेको प्रहरीको टोली आगो निभाउने क्रममा भित्र पुरुषको शव फेला पारेको हो।
