काठमाडौं । काठमाडौं । निर्वाचन आयोगले उपनिर्वाचनमा मनोनयन दर्ता गराएका उमेदवारको विरोधमा आज उजुरी दिन सकिने जनाएको छ । आयोगका अनुसार बिहान १० बजेदेखि दिउँसो ३ बजेसम्म उमेदवारको विरोधमा उजुरी दिने सकिने छ ।
उजुरीमाथि भोलि बेलुका ५ बजेसम्ममा जाँचबुझ गरिने कार्यतालिकामा छ । जाँचबुझ पछि भोलि बेलुका उमेदवारको नामावली प्रकाशन गरिने छ । त्यसपछि चैत २६ गते अपराह्न ५ बजेसम्ममा उजुरीबारे जाँचबुझ गर्ने कार्यतालिका छ।
प्रतिनिधि सभा सदस्यका लागि शनिबार इलाम–२ मा २० जना र प्रदेश सभा सदस्यका लागि बझाङ प्रदेशसभा १ मा १२ जनाले उम्मेदवारी दिएका छन्।
निर्वाचन आयोगका अनुसार चैत २६ गते उमेदवारको नामावली प्रकाशन गर्ने, २७ गते बिहान बिहान ९ देखि दिउँसो १ बजेसम्म उम्मेदवारी फिर्ता र २७ गते दिउँसो ३ बजेसम्म उमेदवारको अन्तिम नामावली प्रकाशन गर्ने तालिका छ।
त्यसपछि चैत २७ गते नै अपराह्न ५ बजेसम्म उम्मेदवारलाई निर्वाचन चिह्न प्रदान गर्ने र वैशाख १५ गते बिहान ७ बजेदेखि अपराह्न ५ बजेसम्म मतदान गर्ने कार्यतालिका छ।