काठमाडौं । नेपाल ए टिमका ओपनर अर्जुन कुमालले तेस्रो तथा अन्तिम एक दिवसीयमा आयरल्याण्ड 'ए'विरुद्ध शतक बनाएका छन् । उनले ११४ बलमा १४ चौका हान्दै शतक पुरा गरे ।
२८५ रनको लक्ष्य पछ्याएको नेपालका लागि ओपनर कुमालले उनले ७५ बलमा अर्धशतक पूरा गरेका थिए । अर्को ५० रन उनले ३९ बलमा पुरा गरे ।
कुमालले अर्जुन साउदसँग मिलेर नेपाललाई राम्रो सुरुवात दिलाएका थिए । दुवैले पहिलो विकेटका लागि ६८ रनको साझेदारी गरेका थिए । साउद ३६ रनमा आउट भए ।
त्यसपछि देव खनालसँग ५२ रनको साझेदारी गरे । खनाल १० रनमा आउट भए । अर्जुन कुमाल एउटा किनारमा डटेर खेलिरहँदा अर्जुन साउद पछि उनले राम्रो साथ पाउन सकेका छैनन् ।
