काठमाडौं । नेपाली राष्ट्रिय क्रिकेट टोलीले आइसीसी टि–२० विश्वकपअघि घरेलु मैदानमा वेस्टइन्डिज ‘ए’ सँग घरेलु सिरिज खेल्ने भएको छ ।
एसीसी मेन्स प्रिमियर कप खेलेर फर्केपछि टियु अन्तर्राष्ट्रिय क्रिकेट मैदानमा सिरिज आयोजना नेपाल क्रिकेट संघ क्यानका सचिव पारस खड्काले जानकारी दिएका छन् । । नेपालले वेस्टइन्डिज ‘ए’ सँग ५ टि–२० खेल खेल्नेछ । सिरिज अप्रिल २५ देखि ५ मेसम्म चल्नेछ । प्रिमियर कप अप्रिल १२ देखि २१ सम्म ओमानमा हुँदैछ । हाल भारतमा रहेको टोली सिधै ओमान प्रस्थान गर्ने कार्यक्रम छ ।
जुनमा हुने विश्वकपको आयोजना अमेरिका र वेस्ट इन्डिजमा हुँदैछ । २० राष्ट्र सम्मिलित विश्वकपको नेपाल समूह डी मा छ । नेपालसँगै समूहमा दक्षिण अफ्रीका, श्रीलंका, बंगलादेश र नेदरल्यान्ड्स रहेका छन् । नेपालले जुन ४ मा नेदरल्यान्ड्सविरुद्ध खेल्दै प्रतियोगिता शुरु गर्नेछ ।
