काठमाडौं । च्याम्पियन्स लिग अन्तर्गत मंगलवार राति भएको क्वार्टरफाईनलको पहिलो लेगमा आर्सनल र बायर्न म्युनिखले बराबरी खेलेका छन् । आर्सनलको घरेलु मैदान इमिरेट्समा खेलमा दुवै टोलीले लाई २–२ को बराबरी खेलेका हुन् । दुवै टोलीले एक–एक पटक अग्रता लिएपनि जोगाउन सकेनन् ।
बुकायो साकाले १२ औं मिनेटमा गोल गर्दै आर्सनललाई अग्रता दिलाएका थिए, तर १८ औं मिनेटमा सर्जी ग्नाब्रीले बायर्नका लागि बराबरी गोल फर्काए ।
यो बराबरीलाई ३२ औं मिनेटमा बायर्नले तोड्यो । पेनाल्टीबाट ह्यारी केनले बायर्नलाई अग्रता दिलाए । तर ७६ औं मिनेटमा लियान्ड्रो ट्रोसार्डले आर्सनलका लागि गोल गर्दै खेल बराबरी गरे। दोस्रो लेग अर्को साताको बुधबार बायर्नको मैदानमा हुनेछ ।