काठमाडौं । नेपालले ओमानमा हुने एसिसी प्रिमियर कपको पहिलो खेलमा मलेसियाको सामना गर्ने भएको छ ।
नेपालले पहिलो खेल शुक्रबार मलेसियासँग खेल्नेछ। नेपालको दोस्रो खेलमा शनिबार कतारसँग छ । वैशाख ३ गतेको हङकङसँग खेल्ने नेपालले समूह चरणको अन्तिम खेल वैशाख ५ गते साउदी अरबसँग खेल्नेछ।
अर्को समूहमा यूएई, कुवेत, बहराइन, ओमान र कम्बोडिया छन् । समूह चरणपछि शीर्ष दुई टोली सेमिफाइनलमा पुग्नेछन्। प्रिमियर कपको विजेता टोलीले एसिया कप खेल्न पाउनेछ ।
प्रिमियर लिगका लागि नेपाल क्रिकेट संघ (क्यान) ले मंगलबार नै रोहित पौडेलले कप्तानीमा १४ सदस्यीय क्रिकेट टोलीको घोषणा गरिसकेको छ ।
नेपाली क्रिकेट टोली:
आसिफ शेख, कुशल भुर्तेल, कुशल मल्ल, रोहित पौडेल (कप्तान), विवेक यादव, सन्दीप जोरा, अनिल शाह, गुलशन झा, दीपेन्द्रसिंह ऐरी, ललित राजवंशी, करण केसी, सोमपाल कामी, प्रतिश जिसी र अभिनाश बोहोरा।