काठमाडौं । च्याम्पियन्स लिगको क्वार्टरफाइनलको पहिलो लेगमा बार्सिलोनाले पीएसजीलाई हराएको छ । स्पेनिस क्लब बार्सिलोनाले फ्रेन्च क्लब पेरिस सेन्ट जर्मेन(पीएसजी) लाई उसकै मैदानमा ३-२ ले पराजित गरेको हो ।
पाहुना टोली बार्सिलोनाका लागि राफिन्हाले २ र आन्द्रेस क्रिस्टेन्सनले १ गोल गरे। पीएसजीको लागि औसमाने डेम्बेले र भिटिन्हाले १–१ गोल गरे। खेलको पहिलो हाफमा गोल गर्दै अग्रता लिएपनि दोस्रो हाफको शुरुमै २ गोल गर्दै पीएसजीले अग्रता लिएको थियो । तर बार्साले पूनरागमन गर्दै २ गोल गरेर जित हासिल गर्यो ।
अवे मैदानमा प्राप्त यस जितले बार्सिलोनाको लागि घरेलु मैदानमा हुने दोस्रो लेगमा केही सहज बन्नेछ ।
अब दोस्रो लेग १६ अप्रिलमा बार्सिलोनाको मैदानमा हुनेछ ।अर्को क्वाटरफाइनल पहिलो लेगमा स्पेनकै एट्लेटिको मड्रिले जर्मन क्लब बोरुसिया डर्टमण्डलाई २–१ ले हरायो ।
घरेलु मैदानमा भएको खेलमा एट्लेटिकोका लागि रोड्रिगो डे पउलले चौथो र लिनोले ३२औं मिनेटमा गोल गरे ।डर्टमण्डका लागि सेबास्टिन हेलरले ८१औं मिनेटमा एक गोल फर्काए ।
