काठमाडौं । आयुष बदोनी र अर्शद खानले इन्डियन प्रिमियर लिग आईपीएलमा आठौं विकेटका लागि कीर्तिमानी साझेदारी गरेपछि लखनउ सुपर जायन्ट्सले दिल्ली क्यापिटल्सलाई १६८ रनको लक्ष्य दिएको छ ।
लखनउमा पहिले ब्याटिङ गरेको घरेलु टोलीले ७ विकेट गुमाएर १ सय ६७ रन बनायो । ९४ रनमा सात विकेट गुमाएको लखनउका लागि बदोनी र खानले ७३ रनको कीर्तिमानी साझेदारी गरे । यो आठौं विकेटका लागि भएको अहिलेसम्मकै ठूलो साझेदारी हो । यो जोडीले ४५ बलमा ७३ रन जोड्यो ।
बदोनीले ३५ बलमा ५ चौका र १ छक्कासहित नटआउट ५५ र खानले १६ बलमा २ चौकासहित नटआउट २० रन जोडे । कप्तान के एल राुहुलले ३९ र क्वीन्टन डि ककले १९ रन जोडे । दिल्लीका लागि कुलदीप यादवले ३ र खलिल अहमदले २ विकेट लिए ।
