काठमाडौं नेपाल पुलिस क्लबका उषा भण्डारी र रविन चन्द वर्षको उत्कृष्ट भलिबल खेलाडी घोषित भएका छन्।
नेपाल भलिबल संघ (एनभिए) ले शुक्रबार गरेको चौथो एनभिए अवार्डमा उनीहरु उत्कृष्ट घोषित भएका हुन् । यसमा पुलिसको वर्चश्व रह्यो।उषा र रविन समानले ५० हजार रुपैयाँ प्राप्त गरे।
वर्ष उदियमान खेलाडी अवार्ड महिलातर्फ न्यु डायमण्ड युथ स्पोर्टस क्लबकी प्रगती नाथ र पुरुषतर्फ नेपाल एपिएफ क्लबका हेमन्त मल्लले प्राप्त गरे। उनीहरुले समान ५० हजार रुपैयाँ पाए ।
वर्ष उत्कृष्ट प्रशिक्षक अवार्ड महिलातर्फ पुलिस क्लबका रुपेश कुमार विष्ट र पुरुषतर्फ गण्डकी प्रदेश भलिबल संघका रमेश केसीले पाए । उनीहरुले समान ५० हजार रुपैयाँ प्राप्त गरे।
नेपाल पुलिस क्लब महिलातर्फ र गण्डकी प्रदेश भलिबल संघले बर्षको उत्कृष्ट टिम अवार्ड प्राप्त गरेको छ । उत्कृष्ट टिम समान २ लाख रुपैयाँपाए । ।
यस्तै राष्ट्रिय टोलीका पुर्व कप्तान तथा नेपाल पुलिस क्लबका कप्तान इम रानालाई ५० हजार रुपैयाँ सहित सम्मान गरियो ।
