काठमाडौं। नेपाल समाजवादी पार्टीका युवा नेता विश्वदीप पाण्डेले पार्टी परित्याग गरेका छन् ।
जनयुद्धकालदेखि बाबुराम भट्टराईको साथमा रहेका काम गरेका पाण्डेले सोमवारदेखि भट्टराईको साथ छोडेका हुन् । सामाजिक सञ्जाल फेसबुकमा लेख्दै पाण्डेले पार्टी छाडेको घोषणा गरेका हुन् ।
उनले लेखेका छन्, ‘आजको मितिदेखि लागू हुने गरी मैले नेपाल समाजवादी पार्टीबाट साधारण सदस्यसमेत नरहने गरी राजीनामा दिएको छु ।’
पार्टी अध्यक्ष डा. बाबुराम भट्टराईसँग निकट रहेर काम गरेका पाण्डेले पार्टीको प्रचार, प्रसार तथा प्रकाशन विभाग प्रमुखको जिम्मेवारीसमेत सम्हालेका थिए ।
