काठमाडौं । रोहित शर्माको शतकका बाबजुद मुम्बई इन्ण्डियन्स इन्डियन प्रिमियर लिग (आईपीएल)मा चेन्नाइ सुपर किंग्ससँग २० रनले पराजित भएको छ ।
२०७ रनको लक्ष्य पछ्याएको मुम्बइले ६ विकेट गुमाएर १८६ रन मात्र बनाउन सक्यो । रोहितले नटआउट १०५ रन बनाए । रोहित क्रिजमा जमिरहँदा अरु ब्याटरको गतिलो साथ पाएनन् ।
इशान किसनले २३, तिलक बर्माले ३१ र टिम डेभिडले १३ रन बनाए । अरु कुनै ब्याटरले दोहोरो अंक जोड्न नसक्दा मुम्बइ चेन्नाइसामु निरीह भयो ।
मुम्बइलाई रोक्न चेन्नाइका मथिशा पाथिरानाले जम्मा २८ रन खर्चेर चार ओभरमा चार विकेट लिए । तुसार देशपाण्डे र मुस्ताफिजुर रहमाले एकरएक विकेट लिए ।
टस हारेर पहिले ब्याटिङ गरेको चेन्नाइले चार विकेट गुमाएर २०६ रन बनाएको थियो । रुतुराज गायकवाडले ६९, शिभम दुबेले ६६ रनको योगदान गरे । रचिन रविन्द्रले २१, महेन्द्रसिंह धोनीले २० र र्डेल मिचेलले १७ रन बनाए । अन्तिम चार बल खेलेका धोनीले लगातार ३ छक्का हाने र अन्तिम बलमा २ रन लिए ।
मुम्बइका हार्दिक पाण्ड्याले २, गेर्राड कोट्जी र श्रेयस गोपालले एकरएक विकेट लिए । यो खेल जितेसँगै चेन्नाइ तेस्रो स्थानमा उक्लिएको छ भने मुम्बइ ८औं स्थानमा छ ।