काठमाडौं । पूर्वसहमति अनुसार दुई मन्त्रालय नपाएको भन्दै जनता समाजवादी पार्टी (जसपा)ले लुम्बिनी प्रदेश सरकार छोडेको छ ।
जसपाबाट सरकारमा गएका भण्डारीलाल अहिरले नै राजीनामा राजीनामा बुझाएका हुन् ।
माओवादी संसदीय दलका नेता समेत रहेका जोखबहादुर महराले २५ चैतमा ४ सदस्यीय मन्त्रिपरिषद् गठन गर्दा जसपाबाट अहिर पनि मन्त्री बनेका थिए । ६ वैशाखमा मन्त्रिपरिषद् विस्तार गर्दा अहिरले कृषिमन्त्रीको जिम्मेवारी पाए ।
तर जसपाले पदभार ग्रहण नगर्न निर्देशन दिएपछि उनले पदभार ग्रहण नै नगरी राजीनामा दिए । मुख्यमन्त्री महराले जसपालाई दुई मन्त्रालय दिने वचन दिएका थिए । तर त्यसको कार्यान्वयन भएन् ।