काठमाडौं । वेस्टइण्डिज ए ले चौथो टी २० मा नेपाललाई २ सय १० रनको लक्ष्य दिएको छ ।
कीर्तिपुरमा टस जितेर पहिले ब्याटिंग गरेको पाहुना टोलीले तीन विकेटको क्षतिमा २ सय ९ रन बनायो । उसका लागि आन्द्रे फ्लेचरले सर्वाधिक नटआउट ८४ रन बनाए । ५४ बलको सामना गरेका उनले नौ चौका र ४ छक्का हाने । यस्तै फेबियन एलेनले १९ बलमा नटआउट ३३ रनको योगदान गरे ।
जोनसन चाल्र्स ३० बलमा ५४ रन बनाएर आउट भए । नेपालले २५ रन अतिरिक्त दियो । नेपालका लागि कुशल भुर्तेलले २ र प्रतीश जीसीले १ विकेट लिए । पाँच खेलको श्रृंखलामा २–१ ले पछि छ । श्रृंखला जित्ने संभावना कायमै राख्न नेपालले आज जित्नै पर्नेछ, अन्यथा नेपालले एक खेल अघि नै श्रृंखला गुमाउनेछ ।