काठमाडौं । उपेन्द्र यादव नेतृत्वको जनता समाजवादी पार्टी (जसपा), नेपाल विभाजनको संघारमा पुगेको छ । पार्टीका वरिष्ठ नेता अशोक राईको नेतृत्वमा नयाँ दल बन्न लागेको हो ।
नयाँ दल आजै निर्वाचन आयोगमा दर्ता गर्ने तयारी रहेको स्रोतले जनाएको छ । नयाँ दलको नाममा नेपाल हटाएर जसपा मात्र राखिएको छ ।विभाजनको पक्षमा ८ जना सांसद उभिएका छन् । यसमध्ये सात जनाले हस्ताक्षर गरिसकेका छन् ।
स्रोतका अनुसार सांसदहरू अशोक राई, प्रदीप यादव, नवलकिशोर साह सुडी, वीरेन्द्र महतो, सुशीला श्रेष्ठ नयाँ पार्टी बनाउने तयारीमा छन् । अध्यक्ष उपेन्द्र यादव हाल अमेरिकामा छन् ।
