काठमाडौं । पार्टी विभाजन भएपछि जनता समाजवादी पार्टी (जसपा) का अध्यक्ष एवम् स्वास्थ्यमन्त्री उपेन्द्र यादव विदेश भ्रमण छोट्याएर आज काठमाडौं फर्किंदै छन् । उनी कतारको राजधानी दोहाबाट आज राति काठमाडौं प्रस्थान गर्ने कार्यक्रम छ । उनी राती ११ बजे आउने बताइएको छ । उपप्रधान तथा स्वास्थ्यमन्त्री समेत रहेका यादव गत हप्ता अमेरिका भ्रमणमा गएका थिए । अमेरिकामा पाँच दिन बसेर उनी आइतबार कतारमा दुई दिनको कार्यक्रमका लागि आएका थिए । तर उनी कतार अमेरिकाबाट कतार आएकै दिन अशोक राई नेतृत्वको समूहले जसपाबाट अलग भइ पार्टी दर्ता गर्न आइतबार निर्वाचन आयोगमा निवेदन दिएको थियो ।