काठमाडौं । निर्वाचन आयोगले जनता समाजवादी पार्टी (जसपा) नेपालबाट फुटेर बनेको अशोक राई नेतृत्वको नयाँ दल दर्ता गरेको छ । निर्वाचन आयोगले राई नेतृत्वको जनता समाजवादी पार्टी (जसपा) दर्ता गरेर प्रमाणपत्र समेत दिएको छ । राई नेतृत्वको समूहले आइतबार नयाँ दल दर्ताका लागि निवेदन दिएकाे थियो । साेमबार आयोगले दल दर्ता गरेको आयोगका सूचना अधिकारी सुमन घिमिरेले जानकारी दिए । आइतबार जसपा विभाजन गर्ने गरी अशोक राईसहित ७ सांसदले दिएको निवेदन निर्वाचन आयोगमा दर्ता भएको थियो ।