काठमाडौं, कात्तिक २४ । नेपाल प्रिमियर लिग (एनपीएल) को तेस्रो सिजन अन्तर्गत आज (मंगलबार) एउटा मात्रै खेल हुँदैछ ।
त्रिवि क्रिकेट मैदानमा मंगलबार साँझ ५ बजे हुने खेलमा सुदूरपश्चिम रोयल्स र जनकपुर बोल्ट्स भिड्नेछन् ।
सुदूरपश्चिमले अहिलेसम्म ५ खेल खेल्दा ६ अंक जोडेको छ । तेस्रो स्थानमा रहेको सुदूरपश्चिमले अहिलेसम्म ३ वटा खेल जितेको छ भने २ वटा हारेकाे छ ।
आजको जितले सुदूरपश्चिमका लागि प्लेअफमा पुग्न सहज हुनेछ । जनकपुर बोल्ट्सले पनि ५ वटै खेल खेलेकाे छ ।आजको खेल जित्नुपर्ने दबाबमा रहेको जनकपुरले २ जित र ३ हारसहित अंकतालिकामा ४ अंक जोडेको छ । जनकपुर अकंतालिकाको पाँचौँ स्थानमा छ ।
