काठमाण्डौ । जुम्लाको कनकासुन्दरी गाउँपालिका–८ मा दलित समुदायका स्वतन्त्र उम्मेदवार धनबहादुर कामीको प्यानल विजयी भएको छ । दलित समुदायले एकता गरेर स्वतन्त्र उम्मेदवारका रुपमा धनबहादुरलाई अघि सारेर चुनाव लडेका थिए । उनीहरुले तीन सदस्य र एक वडाध्यक्ष पदमा स्वतन्त्र उम्मेदवार उठाएका थिए । धनबहादुरले २ सय ८८ मत प्राप्त गर्दै वडाध्यक्ष जिते । उनका प्रतिद्वन्द्वी काँग्रेसका कप्तानबहादुर शाहीले २२० मत ल्याए । संघीयता आएपछि पनि दलितको मुक्ति हुन नसकेको भन्दै दलितको नेतृत्व बिना वडामा समृद्धि हुन नसक्ने भन्दै उनीहरुले दलको टिकट नलिई स्वतन्त्र लडेका थिए । वडा सदस्यमा गोल दमाई र कर्णजीत सार्कीले जितेका छन । महिला सदस्यमा काँग्रेसकी रामुदेवी काफ्लेले जितिन् । दलित महिला सदस्यमा स्वतन्त्र उम्मेदवार चनाखी कुलाल बिजय भइन् । कनकासुन्दरी ८ मा वडाध्यक्ष सहित ४ जना स्वतन्त्र उम्मेदवार जितेका हुन् । दलित वस्तीमा खुसीयाली र्‍याली निस्किएको छ ।