काठमाडौं। इष्टर्न हाइड्रोपावर लिमिटेडले सर्वसाधारणका लागि प्राथमिक निष्कासन (आइपीओ) जारी गरेको छ। प्रभावित क्षेत्रका बासिन्दालाई बिक्री गरेर बाँकी ५० हजार ३१० कित्ता र सर्वसाधरणका लागि छुट्याएको ६ लाख २० हजार कित्ता गरी कुल ६ लाख ७० हजार कित्ता आइपीओ जारी गरिएको छ ।
जसमा ५ प्रतिशत अर्थात् ३३ हजार ५ सय १५ कित्ता सामूहिक लगानी कोषका लागि, २ प्रतिशत हुने १३ लाख ४ सय ६ कित्ता कर्मचारीका लागि छुट्याइएको छ। बाँकी ६ लाख २३ हजार ३८९ कित्तामा सर्वसाधारणले आवेदन दिन सक्नेछन ।
कम्पनीले यसअघि आयोजना प्रभावित क्षेत्र भोजपुरका बासिन्दाका लागि ६ लाख २० हजार कित्ता सेयर बिक्री गरेको थियो। त्यसमा रितपूर्वक आवेदन दिनेलाई ५ लाख ५९ हजार ६९० कित्ता बाँडफाँट गरिएको छ ।
आइपीओ निष्कासन छिटोमा कात्तिक १ गते बन्द हुने छ भने सर्वसाधरणबाट पर्याप्त आवेदन नपरे कात्तिक १४ गतेसम्मका लागि लम्बिने बिक्री बताइएको छ । न्यूनतम १० र अधिकतम १ लाख कित्तासम्मका लागि आवेदन दिन सकिनेछ ।
