काठमाडौं । सरकारले ढुंगागिट्टी निकासी गर्ने तयारी गरेको छ । आर्थिक वर्ष २०८०\०८१ को बजेट संसदबाट सार्वजनिक गर्दै अर्थमन्त्री प्रकाशशरण महतले नदीजन्य पदार्थ निकासीका लागि आधार तयार गर्ने बताएका छन् ।
'वातावरणलाई असर नपर्ने गरी मापदण्ड बनाएर वातावरणीय अध्ययनबाट उपयुक्त स्थान देखिएको क्षेत्रबाट ढुंगा र गिट्टी निकासी गर्न आधार तयार गरिने छ' मन्त्री महतले भने ।
अहिले देशका विभिन्न नदीबाट प्रारम्भिक वातावरणीय परीक्षण(आईईई) गरेर स्थानीय तहले ढुंगागिट्टी निकाल्दै आएका छन् । अध्ययन गरेर नदीजन्य पदार्थ निकालेको बताइएपनि मापदण्डभन्दा धेरै गहिरो र फरक ठाउँमा उत्खनन् हुने गरेको छ ।