काठमाडौं । कार्यस्थलमा सुरक्षाको माग गर्दै डाक्टरहरुले आज पनि आन्दोलन जारी राखेका छन् । पोखराको मणिपाल अस्पताल सहित देशका विभिन्न ठाउँमा चिकित्सक र स्वास्थ्यकर्मीमाथि हातपात भएको विरोधमा उनीहरुले आन्दोलन गरिरहेका छन् ।
गत सोमवार पोखराको मणिपाल अस्पतालमा चिकित्सकमाथि हातपात भएपछि मंगवलवारदेखि काठमाडौंमा आन्दोलन चलिरहेको छ । काठमाडौंको माईती घरमा आज पाँचौ दिन पनि आन्दोलन जारी छ । उनीहरुले सुरक्षाको प्रत्याभूति र दोषीमाथि कारवाहीको माग गरेका छन् ।