काठमाडौं । साफ यू-१६ महिला च्याम्पियनसिपमा आयोजक नेपालले भुटानलाई ३–० ले हराएको छ । नेपालले सबै तीन गोल पहिलो हाफमा गर्यो ।
नेपालका लागि पूजा गिरीले चौधौं, भूमिका बुढाथोकीले अठाईसौं र ग्यान्सु डोल्मा लोले ३१ औं मिनेटमा गोल गरिन् । ग्यान्सु फ्रि किकबाट सिधै गोल गरिन् ।
खेलको ३८ औं मिनेटमा भुटानले पेनाल्टी मार्फत नेपाललाई गोल फर्काउने अवसर पाएको थियो । नेपालकी गोलरक्षक झरना डुम्राकोटीले उत्कृष्ट बचाउ गरिन् ।
दोस्रो हाफमा भने दुवै टिमले मौका बनाए पनि गोल भने हुन सकेन । नेपालले पहिलो खेलमा बंगलादेशसँग २–० ले पराजित भएको थियो । भुटान भने पहिलो खेलमा भारतसँग ७–० ले पराजित भएको थियो ।
नेपालले अब बिहीबार भारतसँग खेल्ने छ । यस प्रतियोगितको फाइनल शीर्ष २ टिमबीच फागुन २७ गते आइतबार हुनेछ ।
