काठमाडौं । इन्डियन प्रिमियर लिग आइपीएलमा पञ्जाव किंग्सले विजयी सुरुआत गरेको छ । शनिबार भएको पहिलो खेलमा पञ्जावले दिल्ली क्यापिटल्सलाई ४ विकेटले पराजित गरेको हो । दिल्लीले दिएको १७५ रनको लक्ष्य पञ्जावले १९.२ ओभरमा ६ विकेट गुमाएर पुरा गर्यो ।
पञ्जावलाई जिताउन साम कुरानले ४७ बल खेल्दै सर्वाधिक ६३ रन बनाए । लियाम लिभिङस्टोनले २१ बलमा नटआउट ३८ रनको योगदान गरे ।
प्रभिसिमरन सिंहले १७ बलमा २६ तथा कप्तान शिखर धवनले १६ बलमा २२ रन बनाए । दिल्लीका खलिल अहमद र कुलदीप यादवले दुई दुई विकेट लिँदा इशान्त शर्माले एक विकेट हात पारे । टस हारेर पहिला ब्याटिङ गरेको दिल्लीले निर्धारित ओभरमा ९ विकेट गुमाएर १७४ रन बनाएको थियो ।
दिल्लीका लागि साइ होपमले २५ बलमा ३३ रन बनाउँदा अभिषेक पटेलले १० बलमा ३२ रनको धुवाँधार नटआउट पारि खेले । यसैगरी डेभिड वार्नर २९ रनमा आउट हुँदा मिचेल मार्सले २० रन जोडेका थिए । दुर्घटनामा परेको १५ महिनापछि कमब्याक गरेका दिल्लीका कप्तान ऋषभ पन्तले १३ बलमा १८ रन बनाएका थिए । अक्षर पटेलले २१ रन बनाएका थिए ।
पञ्जावका हर्षल पटेल र अर्शदीप सिंहले २–२ विकेट लिए भने कागीसो रबाडा, हरप्रित ब्रार र राहुल चहरको नाममा एक एक विकेट रह्यो ।