बुटवल । बाँकेमा एक युवकले घरायसी विवादमा श्रीमतीको हत्या गरेका छन् ।
बाँकेको कोहलपुर नगरपालिका वडा नं १४ बस्दै आएका २२ वर्षीय अनिल बिकले आफ्नै २१ वर्षीया श्रीमती सुशिला सुनारलाई धारिलो हतियार प्रहार गरी हत्या गरेका हुन् । उनले प्रहरीसमक्ष हत्या गरेको स्वीकार गरेका छन् ।श्रीमतीले लुकाएर राखेको रकम श्रीमानले खर्च गरिदिएपछि विवाद भएको थियो ।
बर्दियाको बाँसगढी घर भएका यी दुवैजन बाँकेको कोहलपुर १४ पावर्तीपुरमा बस्दै आएकोमा सोमबार राती आपसी झगडामा अनिलले श्रीमती सुशिलामाथि धारिलो हतियार प्रहार गरेर गम्भीर घाइते बनाएको कोहलपुर प्रहरीका निमित्त प्रमुख प्रहरी निरीक्षक देवराज भट्टराईले बताए ।
गम्भीर घाइते भएकी सुशिलालाई नेपालगन्ज मेडिकल कलेज, शिक्षण अस्पताल कोहलपुर उनीहरुले पार्वतीपुरस्थित बागेश्वरी ह्यूम पाइप उद्योगमा काम गर्दै आएका थिए । उद्योगको कामदार आवास क्षेत्रको कोठामै घटना भएको प्रहरीले जनाएको छ ।