काठमाडौं । नेकपा एमाले निकट विद्यार्थी संगठन अनेरास्ववियुकी स्थायी कमिटी सदस्य रक्षा बमलाई प्रहरीले पक्राउ गरेको छ । बमलाई आपराधिक लाभको कसुरमा पक्राउ गरिएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए । प्रहरी वृत्त महाराजगञ्जकाे टोलीले बुधबार बालाजु क्षेत्रबाट पक्राउ गरेको हो । आपराधिक लाभको कसुरमा उजुरी परेपछि पक्राउ गरि महाराजगञ्ज प्रहरी वृत्तमा राखेर अनुसन्धान अघि बढाइएको प्रहरीले जनाएको छ । उनीमाथी मोबाइल नियन्त्रणमा लिएर धम्क्याएको तथा आपराधिक लाभको कसूर गरेकाे भन्दै उजुरी परेको थियो ।