काठमाडौं । नेपाल ए ले तेस्रो तथा अन्तिम टी–२० अभ्यास खेलमा आयरल्यान्ड ए सँग टस हारेर ब्याटिङ गरिरहेको छ ।
त्रिवि क्रिकेट मैदानमा आयरल्यान्ड ए का कप्तान निल रकले स जितेर पहिला फिल्डिङ रोजेका हुन् ।
नेपालले आज युवा हिटर नारायण जोशीलाई मौका दिएको छ । सुदूरपश्चिमबाट घरेलु क्रिकेट खेल्ने नारायण आक्रामक ब्याटिङ सँगै तीव्र गतिमा बलिङ गर्दछन् । नेपालले आज किरण ठगुन्नाको ठाउँमा नारायणलाई मौका दिएको हो ।
नेपाल ए पहिलो खेलमा २१ रन र दोस्रो खेलमा ४० रनले पराजित भएको थियो । दुवै खेलमा नेपालको मध्यक्रम र तल्लोक्रम ब्याटिङ नचल्दा पराजित भएको थियो । त्यसैले नेपाल सान्त्वना जितको खोजीमा छ ।