काठमाडौं । भारत भ्रमणमा रहेको नेपालले त्रिकोणात्मक टी–२० सिरिजअन्तर्गत आफ्नो दोस्रो खेलमा बरोडासँग टस हारेर पहिला ब्याटिङको निम्तो पाएको छ ।
बरोडाका कप्तान विष्णु शोलंकी टस जितेर पहिला फिल्डिङ रोजेका हुन् । नेपालले पहिलो खेलमा गुजरातलाई ८ विकेट र गुजरातले बरोडालाई ५ विकेटले हराएको थियो । नेपाल लगातार दोस्रो र बरोडा पहिलो जितको खोजीमा छ । नेपालले पहिलो खेलको टोलीमा कुनै परिवर्तन गरेको छैन ।
गुलशन झाले ४ र करण केसीले ३ विकेट लिएपछि पहिलो खेलमा गुजरात ९८ रनमा अलआउट भएको थियो ।
नेपालको प्लेइङ ११ :
रोहित पौडेल (कप्तान): आसिफ शेख, कुशल भुर्तेल, कुशल मल्ल, सन्दीप जोरा, अनिल शाह, गुलशन झा, दीपेन्द्रसिंह ऐरी, करण केसी, सोमपाल कामी, अभिनाश बोहरा ।
