काठमाडौं । नेपाल ‘ए’ले दोस्रो एकदिवसीय क्रिकेटमा आयरल्यान्ड ‘ए’सँग टस जितेर फिल्डिङ रोजेको छ ।
त्रिवि क्रिकेट मैदान कीर्तिपुरमा नेपालका कप्तान विनोद भण्डारीले टस जितेर पहिला फिल्डिङ रोजेका हुन् ।
पहिलो खेलबाट नेपालले एक परिवर्तन गरेको छ । यू–१९ का ओपनर अर्जुन कुमाललाई बेन्चमा राखेर अर्का युवा ब्याटर नरेन भट्टलाई मौका दिइएको छ ।
नेपाल पहिलो खेलमा २१ रनले पराजित भएको थियो । तीव्र गतिका बलर कमलसिंह ऐरीले ह्याट्रिकसहित चार विकेट लिएपछि आयरल्यान्ड १५७ रनमा अल आउट भएको थियो । तर म्याथ्यु हम्फ्रेजले ५ र लियाम म्याकार्थीले ४ विकेट लिएपछि नेपाल १३६ रनमा अलआउट भएको थियो ।