काठमाडौं । भारतमा जारी एसएमएस फ्रेन्डसिप कप त्रिकोणात्मक श्रृंखला अन्तर्गत लिगको अन्तिम खेलमा नेपालले टस हारेको छ । भारतीय टिम बरोडाले टस जितेर पहिले ब्याटिङ रोजेको छ ।
नेपालले आज टोलीमा चार परिवर्तन समेत गरेको छ । कप्तान रोहित पौडेल सहित सोमपाल कामी, अविनाश बोहोरा र आसिफ शेखले विश्राम लिएका छन् । पछिल्लो खेलमा बाहिर रहेका ललित राजवंशी, करन केसी, दीपेन्द्र सिंह ऐरी, आकाश चन्द टोलीमा छन् ।
रोहितको अनुपस्तिथिमा आज नेपालको कप्तानी दिपेन्द्र सिंह ऐरीले गर्ने छन् । खेल नेपाली समय अनुसार दिउँसो १२ः४५ बजे वापिस्थित साइ मेघपन स्पोर्ट्सलाइफ (एसएमएस) मैदानमा हुनेछ ।
नेपाल र गुजरात दुवै टोली फाइनल प्रवेश गरिसकेका छन् । नेपालको ३ खेलमा ६ अंक छ । गुजरातको ४ खेलमा ४ अंक छ भने बरोडा ३ खेलमा अंकविहिन छ ।
नेपाल एसीसी मेन्स प्रिमियर कप र टी२० विश्वकपको तयारीका लागि भारत भ्रमणमा गएको हो ।
