काठमाडौं । ओपनर स्टेफन डोहेनीले शतक बनाएपछि आयरल्यान्ड ए ले तेस्रो तथा अन्तिम एकदिवसीय अभ्यास नेपाल ए लाई २८५ रनको लक्ष्य दिएको छ ।
त्रिवि क्रिकेट मैदानमा टस जितेर पहिला ब्याटिङ रोजेको आयरल्यान्डले ५० ओभरमा ९ विकेट गुमाउँदै २८४ रन बनायो ।
आयरल्यान्डका स्टेफन डोहेनीले १२९ बलमा ८ चौका र २ छक्कासहित सर्वाधिक १०७ रन बनाए । डोहोनीको यो अन्तर्राष्ट्रिय करिअरको पहिलो शतक हो ।
पिटर मुर २५ बलमा २ चौका र ५ छक्कासहित ४४ रनको आक्रामक इनिङ खेले । केड कार्माइकल २१, गेभिन होइ १४, फिओन ह्यान्ड २० र जेम्श म्याकुलम ९ रनमा आउट भए ।
तल्लोक्रममा बेन ह्वाइटले १९ र म्याथ्यु हम्फ्रेजले २३ रनको योगदान दिए । डेब्यू खेल खेलेका बायाँ हाते स्पिनर रञ्जित कुमारले १० ओभरमा १ मेडनसहित ५१ रन खर्चेर ३ विकेट लिए । तीव्र गतिका बलर रिजन ढकालले १० ओभरमा ७५ रन खर्चेर ३ विकेट लिए । विकाश आग्री र साहब आलमले १-१ विकेट लिए । तीन खेलको सिरिज एक खेल अगावै नेपालले गुमाई सकेको छ ।
