काठमाडौं । एसएमएस फ्रेन्डसिप कप त्रिकोणीय सिरिजको फाईनलमा नेपाली राष्ट्रिय टोलीले गुजरातलाई १ सय ७७ रनको लक्ष्य दिएको छ ।
गुजरातको वापीस्थित साई मेघपान स्पोर्टस् लाइफ मैदानमा टस जितेर ब्याटिङ गरेको नेपाली टोलीले कप्तान रोहित पौडेको अर्धशतक मद्दतमा निर्धारित २० ओभर खेल्दै ४ विकेटको क्षतिमा १ सय ७६ रन बनायो ।
नेपालका लागि रोहित पौडेलले सर्वाधिक ७४ रन बनाए । रोहितले ४७ बलमा ५ चौका र ४ छक्का प्रहार गर्दै आक्रामक खेले । कुशल मल्ल ३१ र सन्दीप जोरा ७ रनमा नटआउट रहे। कुशलले मात्रै १३ बलमा ३१ रन हाने ।
ओपनर आशिफ शेख ३४ र कुशल भुर्तेल १९ रन बनाएर आउट भए। दीपेन्द्र सिंह ऐरीले ७ रन बनाए । गुजराताका लागि जयमित, शेन पटेल, तेजस पटेल र जला युवराजसिंहले समान एक–एक विकेट लिए। गुजरातले केहीबेरमा जवाफी ब्याटिङ गर्नेछ।