काठमाडौं । भारतको गुजरात भएको एसएमएस फ्रेन्डसिप त्रिकोणीय टी–२० सिरिजको नेपालले उपाधि नेपाली टोलीले जितेको छ ।
आइतबार गुजरात क्रिकेट एसोसियसनको टिमसँगको उपाधि भिडन्तमा नेपालले १८ रनले विजयी भयो ।
गुजरातको वापीस्थित साई मेघपान स्पोर्टस् लाइफ मैदानमा नेपालले दिएको १ सय ७७ रनको लक्ष्य पछ्याएको गुजरात टिमले ८ विकेटको क्षतिमा १५८ रन मात्रै बनाउन सक्यो ।
गुजरातका लागि कप्तान उमङ्ग रोहित कुमारले २८ बलमा सर्वाधिक ४० रन जोड्न सफल भए । यस्तै आर्य देसाईले २४ बलमा ३६ रन बनाए । रुद्र मयूर पटेलले १७ रन बनाए भने जयमित पटेलले १५ रन जोडे ।
नेपालका लागि अविनाश बोहोराले ३ तथा दीपेन्द्र सिंह ऐरीले २ विकेट लिए । यस्तै करन केसी र कुशल मल्लले समान १-१ विकेट लिए ।यसअघि टस जितेर ब्याटिङ गरेको नेपाली टोलीले कप्तान रोहित पौडेको अर्धशतक मद्दतमा निर्धारित २० ओभर खेल्दै ४ विकेटको क्षतिमा १ सय ७६ रन बनायो ।
नेपालका लागि रोहित पौडेलले सर्वाधिक ७४ रन बनाए । रोहितले ४७ बलमा ५ चौका र ४ छक्का प्रहार गर्दै आक्रामक खेले । कुशल मल्ल ३१ र सन्दीप जोरा ७ रनमा नटआउट रहे। कुशलले मात्रै १३ बलमा ३१ रन हाने ।
ओपनर आशिफ शेख ३४ र कुशल भुर्तेल १९ रन बनाएर आउट भए। दीपेन्द्र सिंह ऐरीले ७ रन बनाए ।
