काठमाडौं । सुन तस्करी प्रकरणमा जोडिएका चिनियाँ मूलका बेल्जियम नागरिक दावा छिरिङको लगानी रहेको ठमेलस्थित होटल भियनामा केन्द्रीय अनुसन्धान ब्यूरो (सीआईबी)ले छापा मारेको छ ।
हुण्डी कारोबार भएको आशंकामा सीआईबीले छापा मारेको बताइएको छ ।हुण्डी रकमसहित तीन व्यक्तिलाई पक्राउ गरिएको सीआईबी स्रोतले बताएको छ ।
तर, यसबारे औपचारिक केही बताइएको छैन। सुन तस्करी प्रकरणमा हाल पुर्पक्षमा थुनामा रहेका दावाकी श्रीमती अमला रोकाको नाममा होटल दर्ता छ ।यसअघि पनि होटलमा प्रहरी र राजश्व अनुसन्धान विभागको छुट्टाछुट्टै छापा मारेका थिए ।
