काठमाडौं । क्यान्सरको औषधि पत्ता लागेको केही दिनमै वैज्ञानिकले एचआइभी एडसको पनि उपचार खोजेका छन् । इजरेलको तेल अविव विश्वविद्यालयका अनुसन्धानकर्ताले एडसको खोप बनाउन सफलता पाएका हुन् । यो खोपको एक डोजले नै शरिरमा भाईरस निमिट्यान्न पार्ने बताईएको छ । एचआइभीका कारण शरिरमा रोग प्रतिरोधात्मक क्षमता घट्दै जान्छ । अहिलेसम्म यसको स्थायी उपचार बजारमा उपलव्ध छैन । यो खोप बनाउन जीन एडिटिंग प्रविधिको प्रयोग गरिएको छ । हाल यसको प्रयोग मुसामा गरिएको छ । खोपले भाईरससँग लड्ने एन्टीबडी विकसित गरेको बताइएको छ । अनुसन्धानकर्ताले यो खोप सुरक्षित र शक्तिशाली हुनुका साथै क्यान्सरका विरामीमा पनि उपयोगी हुन सक्ने बताएका छन् । यो खोप दिएपछि शरिरमा नशाको माध्यमबाट सबैतिर फैलिन्छ र भाइरस, बैक्टेरिया र मानिसको सेललाई जेनेटिकली परिवर्तन गर्छ । परिवर्तन भैसकेको सेलको जव भाईरससँग सामना हुन्छ तत्कालै सेल हावी हुन्छ । यो प्रविधिका कारण क्यान्सर रोगको खोप पनि निकट भविष्यमै बजारमा आउन सक्ने संभावना बढेको छ । एजेन्सी ।