काठमाडौं । नेपालकी रशिला तामाङले स्वीटजरल्यान्डमा सम्पन्न अल्ट्रा टुर मोन्टे रोसा (यूटीएमआर) को १०० किलोमिटर अल्ट्रा दौडको उपाधि जितेकी छन् । स्वीटजरल्याण्डको ग्राचेनमा सम्पन्न मिसाबेल १०० किटोमिटरमा रशिलाले निर्धारित दूरी १८ घण्टा ५८ मिनेट २८ सेकेण्डमा पूरा गरिन् । नेपालकै अनिता राई २० घण्टा २४ मिनेट १० सेकेण्ड सहित तेस्रो भइन् । उनी दोस्रो भएकी चेक रिपब्लिककी मिसेला मेर्टोभाभन्दा जम्मा ८ सेकेन्डले पछि परिन् । मेर्टोभाले २० घन्टा २४ मिनेट १० सेकेन्डमा पूरा गरिन् । यस्तै पुरुषतर्फ नेपालका भीम गुरुङ दोस्रो भए । भीमले निर्धारित दुरी १६ घण्टा २९ मिनेट ३९ सेकेण्डमा पूरा गरे । स्वीट्जरल्याण्डका दानियल बेर्च्टोल्डले १५ घण्टा ३९ मिनेट १२ सेकेण्डमा दौड पूरा गर्दै पहिलो भए । नेपालबाट तीन धावकले सहभागिता जनाएकोमा तीनै जना शीर्ष तीनमा रहे ।