काठमाडौं । सेयरबजारमा साढे २ अर्बको कारोबार भएको छ। नेप्से ९.४४ अंकले बढे पनि कम रकमको कारोबार भएको हो।
नेपाल स्टक एक्सचेन्जका अनुसार ७६ लाख कित्ता सेयर २ अर्ब ५९ करोड रुपैयाँमा कारोबार भएको हो। १८१ कम्पनीको सेयर मूल्य बढेको छ भने ५७ वटाको घटेको छ। ९ वटाको मूल्य भने यथावत् छ।
आज समाज लघुवित्त र गुराँस लघुवित्तको ९ प्रतिशत बढीले सेयरमूल्य बढेको छ। आज सामलिङ पावरका लगानीकर्ताले भने १० प्रतिशत गुमाएका छन्।
सर्वाधिक कारोबार भने आज पनि हिमालयन रि इन्स्योरेन्सकै छ। कम्पनीको ३३ करोडको सेयर कारोबार भएको हो।
