काठमाडौं। गण्डकी प्रदेशको मुख्यमन्त्रीमा नेकपा एमालेका खगराज अधिकारी नियुक्त भएका छन् ।
प्रदेश प्रमुख डिल्लीराज भट्टले संविधानको धारा १६८ (२) बमोजिम दुई वा दुईभन्दा धेरै दलहरूको समर्थनमा अधिकारीलाई मुख्यमन्त्री नियुक्त गरेका हुन् ।
सभामुख समेतलाई आफ्नो पक्षमा देखाएर बहुमत पुर्याई विहान दाबी पेश गरेका अधिकारीलाई प्रदेश प्रमुखले ढिला नगरी दिउँसो नियुक्त गरेका हुन् । तर नेपाली कांग्रेसले भने सभामुखलाई देखाएर दाबी पेश गर्नु असंवैधानिक भन्दै नियुक्ति नगर्न माग गरेको थियो ।