काठमाडौं । साहित्यकार तथा गीतकार प्रकट पगेनी ‘शिव’ सिकिस्त बिरामी परेका छन् । उनी उपचारका लागि छि मनिपाल शिक्षण अस्पतालमा भर्ना भएका छन् । निमोनियाका कारण स्वास्थ्यमा गम्भीर समस्या देखिएपछि मनिपालमा भेन्टिलेटरमा राखेर उनको उपचार भइरहेको हो ।
कविता, गीतसहित शृंगारिक गजलमार्फत प्रख्यात शिवको उपचारका लागि समस्या भएपछि आर्थिक संकलन अभियानसमेत थालिएको छ । साहित्यकार शिवको परिवारको आग्रहमा पोखरेली युवा सांस्कृतिक परिवारको अगुवाइमा आर्थिक संकलन थालिएको छ ।
साहित्यकार प्रकटलाई बचाउन शुभेच्छुक र विभिन्न साहित्यिक संस्थाले सहकार्यसमेत गरिरहेका छन् । साहित्यकार प्रकटको जीवन बचाउन आर्थिक सहयोग गरिदिन अपीलसमेत गरिएको छ ।
प्रकटका कविता, गजलका किताब प्रकाशित छन् । उनका ‘तगारो छेउ आएर पनि आँगनी टेकिनौ’जस्ता गीत पनि चर्चित छन् ।