काठमाडौं । बझाङको प्रदेश सभा १ उपनिर्वाचनको मतगणना जारी रहँदा नेपाली कांग्रेस र नेकपा एमालेबीच रोचक र कडा प्रतिस्पर्धा देखिएको छ। दुई पार्टीबीचको अन्तर ८३ मत मात्रै छ ।
पछिल्लो मतपरिणाम अनुसार नेपाली कांग्रेसका अभिषेकबहादुर सिंहले ९ हजार १६७ मतसहित अग्रता कायम राखेका छन्।
उनलाई पछ्याइरहेका नेकपा एमालेका दमनबहादुर भण्डारीले ९ हजार ८४ मतसहित छन्। नेकपा माअोवादी केन्द्रका जनकबहादुर बुढाले ३ हजार ५३५ मत ल्याएका छन्। नेकपा एकीकृत समाजवादीका दिलबहादुर सिंहले २ हजार ३४७ मत ल्याएका छन्।
जयपृथ्वी नगरपालिका, छबिसपाथीभेरा गाउँपालिका, खप्तडछान्ना गाउँपालिका, सुर्मा गाउँपालिका र मष्टा गाउँपालिका र थलारा गाउँपालिकाको वडा नम्बर ९ को मतगणना सकिएको छ।
अहिले तलकोट गाउँपालिकाको मत गणना भइरहेको छ। यसपछि साइपाल गाउँपालिकाको मत गणना हुनेछ।