काठमाडौं । कुँवर समाज नेपाल र राष्ट्रिय विभूति वीर बलभद्र कुँवर प्रतिष्ठान नेपालको केन्द्रीय तदर्थ समिति गठन भएको छ ।
केन्द्रीय कार्यालय टेकुमा भएको दुई संस्थाको संयुक्त साधारण सभाले प्रा.डा.देशराज बहादुर कुँवरको संयोजकत्वमा १० सदस्यीय केन्द्रीय तदर्थ समिति गठन गरेको हो ।
समितिको सदस्य सचिवमा रमेश कुँवर र सदस्यमा ज्ञानुराज कुँवर, अन्नपूर्ण कुँवर, थानेश्वर कुँवर, महेशविक्रम कुँवर छन् ।
त्यस्तै तिलक कुँवर, यामबहादुर कुँवर, रामबहादुर कुँवर र डिना कुँवर पनि सदस्य छन् । तदर्थ समितिलाई ६ महिनाभित्र महाधिवेशन गर्ने म्यान्डेट दिइएको छ ।
समितिले आवश्यक तयारीसहित महाधिवेशनको मिति र स्थान तोक्ने सचिव रमेश कुँवरले जानकारी दिए ।